شوێنی نووسینگه‌ی سه‌ره‌کیی شه‌ریکە و کارگه‌، له‌ شاری بۆکانه‌ و‌ که‌وتۆته‌ یه‌ک کیلۆمه‌تری شۆسته‌ی نێوان بۆکان – سه‌قز له‌ پارچه‌ زه‌وییه‌کدا به‌ ڕووبه‌ری 4000 مه‌تری دووجا. ده‌وروبه‌ری 40 کارمه‌ند و کرێکاری کارامە و خاوەن ئەزموون به‌ شه‌و و ڕۆژ خه‌ریکی سازکردنی مه‌کینه‌ی نان برژاندن و ناردنی بۆ بازاڕی فرۆشن. جۆری چالاکیی ئەو شەریکەیە گەڵاڵە داڕشتن و دروست کردنی ئامێری پێشەسازیی خواردەمەنی و هێڵی تەواوی ئامێری نان برژاندن بە شێوەی تەواو پێشەسازییە. شه‌ریکه‌ی ماشێن سازیی بۆکان، له‌ ساڵی 1377ی کۆچی هه‌تاوی، به‌رامبه‌ری 1999ی زایینی، به‌ هه‌وڵ و تێکۆشانی کارمه‌ندان و به‌ڕێوه‌به‌رانی، توانی جه‌وازی به‌رهه‌م‌هێنانی ژماره‌ 102511 له‌ وه‌زاره‌تی پێشه‌سازی وه‌رگرێ و بگاته‌ ڕاده‌ی دروستکردنی به‌رهه‌م بە زۆریو بچێته‌ ڕیزی شه‌ریکه‌کانی فره‌به‌رهه‌م و به‌رهه‌مه‌کانی خۆی گه‌یانده‌ 250 ئامێر له‌ ساڵدا.